काठमाडौँ । काठमाडौँको दक्षिणकाली नगरपालिकामा शनिबारबाट लकडाउन लागू हुने भएको छ । कोरोना रोकथाम तथा नियन्त्रण नगरस्तरीय समन्वय समितिका संयोजक एवम् नगर प्रमुखको अध्यक्षतामा आज बसेको बैठकले यस्तो निर्णय गरेको हो ।
लकडाउन भोलि (शनिबार) १० बजेदेखि भदौ ८ गतेसम्म लागू हुने जनाएको छ । यस अवधिमा अति आवश्यक दैनिक उपभोग्य सामग्री बिक्रि वितरण गर्ने पसलहरू बिहान ९ बजेसम्म मात्रै संचालन गर्न पाइने छ ।
काठमाडौँ उपत्यकामा आज मात्रै ११९ जना संक्रमित थपिएका छन् । योसहित उपत्यकामा कुल संक्रमितको संख्या एक हजार ६ सय ९७ जना पुगको छ । जसमा काठमाडौँ एक हजार ३ ६१ जना, ललितपुरमा २२१ जना र भक्तपुरमा ११५ जना संक्रमित भएका छन् ।
वि.सं.२०७७ साउन ३० शुक्रवार १९:३८ मा प्रकाशित
