काठमाडौं । सोमवार नेप्से १० दशमलव ७५ अंकले उकालो लागेको छ । आज शेयर बजार १ हजार ४०२ दशमलव २१ विन्दुमा पुगेको छ ।सोमवार ठूला कम्पनीहरुको कारोबार मापक सेन्सेटिभ इन्डेक्स पनि १ दशमलव १४ अंक बढेर २९० विन्दुमा पुगेको छ ।
हाल बजारमा लगानीयोग्य पूँजीको प्रयाप्तता, सहज शेयर कर्जाले बजारमा लगानीको वातावरण बनिरहदाँ सार्वजनिक भइरहेका कम्पनीहरुको चौथो त्रैमासको वित्तीय विवरणको कारण उतारचढाब देखिएको हो ।
सोमवार बजारमा रू. १ अर्ब ७ करोड ४९ लाख ३२ हजार बराबरको शेयर कारोबार भएको छ । १८४ ओटा कम्पनीको १६ हजार ७२४ पटकको व्यापारमा उक्त रकम बराबरको ३५ लाख ९१ हजार ४८ कित्ता शेयर खरीदविक्री भएको छ ।
वि.सं.२०७७ भदौ १ सोमवार १५:५६ मा प्रकाशित