काठमाडौं । नेपालमा थप ६ सय ८१ जनामा कोरोना संक्रमण पुष्टि भएको छ । स्वास्थ्य तथा जनसङ्ख्या मन्त्रालयले गरेका नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले आज ६८१ जनामा संक्रमति भेटिएको जानकारी गराउनुभयो ।
विभिन्न प्रयोगशालामा ११ हजार ५२२ जनाको गरिएको पिसीआर परीक्षणमा ६८१ जनामा सङ्क्रमण पुष्टि भएको हो । यो संगै नेपालमा कूल संक्रमितका संख्या २८ हजार ९३८ जना पुगेको छ । मन्त्रालयका प्रवक्ता डा गौतमका अनुसार सक्रिय संक्रमित ११ हजार ११८ जना रहेका छन्।
यसैगरी आज १२० जना संक्रमित जितेर घर फर्किएका छन् । अहिलेसम्म १७ हजार ७०० जना संक्रमित निको भई घर फर्किसकेको उनले बताए । मुलुकभरि क्वारेन्टिनमा १३ हजार ५७१ जना रहेका छन् ।
यसैगरी पछिल्लो २४ घण्टामा कोरोना संक्रमणबाट थप ६ जनाको मृत्यु भएको मन्त्रालयले जनाएको छ । अहिलेसम्म १२० जना संक्रमणबाट मृत्यु भएका छन् ।
वि.सं.२०७७ भदौ ३ बुधवार १६:१९ मा प्रकाशित