काठमाडौं । प्रदेश–२ का आर्थिक मामिला तथा योजना मन्त्री विजय यादवको घरमा चोरी भएको छ । ललितपुरको इमाडोल स्थित बोजेपोखरीमा रहेको उनको घरमा गत राति चोरी भएको हो ।
मध्यराति १ देखी २ बजेको समयमा घरमा प्रवेश गरेका चोरले दुईवटा मोवाइल सेट र पौने दुईलाख पैसा चोरेको महानगरीय प्रहरी परिसर ललितपुरका एक अधिकृतले जानकारी दिए ।
मन्त्री यादव र उनको परिवार सुतिरहेको मौकामा पर्खाल नाघेर छिरेका चोर सानो झ्यालबाट कोठामा पुगेको प्रहरीका प्रारम्भिक अनुसन्धानबाट थाहा भएको छ । घरमा राखेको पैसा र मोबाइल झिकेर चोर भागेको मन्त्रीका परिवारले थाहा पाएनन् ।
चोरीमा संलग्नहरुको खोजी भइरहेको महानगरीय प्रहरी वृत सातदोवाटोका डिएसपी मित्रबन्धु शर्माले जानकारी दिए । उनले भने, ‘चोरीमा संलग्नलाई कानुनी दायरामा ल्याउँछौ ।’
वि.सं.२०७७ भदौ ३ बुधवार १६:२५ मा प्रकाशित
