काठमाडौं । नेपाली बजारमा आइतवार सुनचाँदीको मूल्यमा सामान्य गिरावट आएको छ । आज सुनको भाउ प्रतितोला ४ सय रुपैयाँले घटेको छ ।
नेपाल सुनचाँदी व्यवासायी महासंघका अनुसार चाँदी तोलामा २५ रुपैयाँले घटेको जनाएको छ । बजारमा छापावाला सुन प्रतितोला ९८ हजार ४ सय रुपैयाँ कायम भएको महासंघले जनाएको छ । शुक्रबार छापावाला सुन प्रतितोला ९८ हजार ८ सय रुपैयाँ कायम थियो ।
आइतबार तेजावी सुनको मूल्य ९७ हजार ९ सय रुपैयाँ कायम गरिएको छ । चाँदी प्रतितोला एक हजार तीन सय ४५ रुपैयाँ रहेको छ । अन्तर्राष्ट्रिय बजारमा पनि सुनको मूल्य घटेर १ हजार ९ सय ४० डलर हाराहारीमा कारोबार भइरहेको छ ।
वि.सं.२०७७ भदौ ७ आइतवार १२:४६ मा प्रकाशित