काठमाडौँ । नेपालमा पछिल्लो २४ घण्टामा देशभर थप ८१८ जनामा कोरोना संक्रमण पुष्टि भएको छ । योसँगै कोरोना सङ्क्रमितको सङ्ख्या ३१ हजार ९३५ पुगेको छ ।
देशका विभिन्न प्रयोगशालामा गरिएको पीसीआर परीक्षणमा ८१८ जनामा संक्रमण पुष्टि भएको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले जानकारी दिनुभयो ।
हालसम्म १८ हजार ६३१ जना कोरोनाबाट मुक्त भइ घर फर्किएको प्रवक्ता गौतमले बताउनुभयो । पछिल्लो २४ घण्टामा २८१ जना संक्रमित निको भएर घर फर्किएका छन् ।
हाल देशभर १३ हजार ११५ जना सक्रिय सङक्रमित रहेका छन् । यस्तै ११ हजार ४१४ क्वारेन्टिनमा तथा १३ हजार ११५ जना आइसोलेसनमा रहेका प्रवक्ता गौतमले बताउनुभयो ।
यस्तै,पछिल्लो २४ घण्टामा काठमाडौँ उपत्यकामा १६६ जना कोरोना सङ्क्रमित थपिएका छन् । थपिएका मध्ये काठमाडौँका १२६, ललितपुरका १२ र भक्तपुरका २८ जना छन् ।
वि.सं.२०७७ भदौ ७ आइतवार १६:२२ मा प्रकाशित