बागलुङ । बागलुङको बागलुङ नगरपालिकाको निषेधाज्ञा थप गर्ने निर्णय गरेको छ । नगरपालिकाले भदौ १५ गतेसम्म निषेधाज्ञाप थपेको जनाएको छ ।
प्रमुख जिल्ला अधिकारी सुरेश न्यौपानेले संक्रमणको जोखिम बढिरहेका कारण निषेधाज्ञा थप गरिएको जानकारी दिनुभयो । यसअघि भदौ २ गते जारी गरिएको निषेधाज्ञा ९ गते सकिँदै थियो ।
निषेधाज्ञाप थपसंगै बैंक तथा वित्तीय संस्था पनि बन्द गरिने भएको छ । बढी भीडभाड हुने क्षेत्र खुला हुँदा जोखिम अझै बढेको गुनासो आएको भन्दै प्रशासनले बैंक तथा वित्तीय संस्था पनि बन्द गर्ने निर्णय गरेको हो ।
बागलुङ बजारसँगै बागलुङ नगरपालिकाका १४ वटा वडामा अति आवश्यक खाद्य, तरकारी, दूध लगायत पसल दिनको १ पटक बिहान ७ देखि ९ बजेसम्म मात्र खुल्नेछ ।
बागलुङमा अहिलेसम्म २ सय ८३ जनालाई कोरोना संक्रमण पुष्टि भएको छ । जसमध्ये अहिले २२ जना आइसोलेसनमा छन् । कोरोना संक्रमणबाट १ जनाको ज्यान गएको छ ।
वि.सं.२०७७ भदौ ८ सोमवार १७:५७ मा प्रकाशित
