काठमाडौं । विशेष आर्थिक क्षेत्र प्राधिकरणको रिक्त कार्यकारी निर्देशक पदका लागि आवेदन स्वीकृत भएका उमेदवारको लिखित परीक्षा मन्त्रालयमै हुने भएको छ ।
यसअघि भदौ ६ गते लिखित परीक्षा लिने भनिए पनि भदौ ३ देखि काठमाडौं उपत्यकामा पनि निशेधाज्ञा लागु गरिएपछि स्थगित भएको थियो ।
विशेष आर्थिक क्षेत्र प्राधिकरणको कार्यकारी निर्देशक सिफारिस समितिले निशेधाज्ञा भए पनि अब भदौ ११ गते मन्त्रालयमै लिखित परीक्षा लिने तयारी गरेको हो । यसको सूचना सार्वजनिक पनि भइसकेको छ ।
प्राधिकरणको कार्यकारी निर्देशक पदका लागि रघुराज काफ्ले, योगेन्द्र गौचन, जनार्दन गुरागाईं, चण्डीका प्रसाद भट्ट, शिव कुमार दाहाल, डा.प्रदिप कुमार मैनाली प्रतिस्पर्धामा छन् । भट्ट यसअघि पनि कार्यकारी निर्देशक भइसकेका छन् ।
वि.सं.२०७७ भदौ ९ मंगलवार १४:५३ मा प्रकाशित