रौतहट । रौतहटको दुर्गा भगवती गाउँपालिकामा एक घर एक पीसीआर अभियान संचानल हुने भएको छ । गाउँपालिकाका अध्यक्ष अरुण साहले भदौ १२ गते शुक्रबार हेल्थ डेस्क सञ्चालन गरेर गाउँपालिकाका सबै घरधुरीका वासिन्दाको परीक्षण गर्ने बताएका छन् ।
परीक्षणका लागि स्वास्थ्य चौकीका कर्मचारीको व्यवस्थापनलगायतको काम गरेको बताए । पछिल्लो समय रौतहटमा संक्रमितको संख्या तीब्र गतिमा बढिरहेको छ । जिल्लाका सबै स्थानीय तहमा संक्रमण फैलिएको छ ।
रौतहटमा १९ हजार ९० जनाको स्वाब संकलन गरिएको छ जसमध्ये १६ हजार ६ सय २३ जनाको रिपोर्ट नेगेटिभ आएको छ भने १ हजार ५ सय ४३ जनाको रिपोर्ट पोजेटिभ आएको थियो ।
रौतहटमा ९ सय २४ जनाको रिपोर्ट आउन बाँकी रहेको छ । हाल रौतहटको आइसोसनमा १ सय ४० जना रहेको जिल्ला प्रशासन कार्यालय रौतहटले जनाएको छ ।
वि.सं.२०७७ भदौ १० बुधवार १४:१९ मा प्रकाशित