काठमाडौँ । नेपालमा थप १ हजार १११ जनामा कोरोना संक्रमण पुष्टि भएको छ । योसंगै कुल संक्रमितको संख्या ३५ हजार ५२९ पुगेको छ ।
स्वास्थ्य तथा जनसङ्ख्या मन्त्रालयलका प्रवक्ता प्राडा जागेश्वर गौतमका अनुसार पछिल्लो २४ घण्टामा जम्मा १२ हजार ६२९ पीसीआर परीक्षण गरिएको जानकारी गराउनुभयो । जसमा १ हजार १११ जनामा संक्रमण देखिएको हो ।
पछिल्लो २४ घण्टामा देशभर ५६९ जना निको भएर घर फर्किएका छन् । यो सँगै कोरोना संक्रमण निको हुनेको संख्या जम्मा २० हजार ७३ पुगेको छ । देशभर हाल १५ हजार २७३ जना आइसोलेशनमा रहेको मन्त्रलयले जनाएको छ ।
त्यस्तै देशभरका क्यारेन्टिनहरुमा हाल ९ हजार ४८८ जना रहेका छन् ।
वि.सं.२०७७ भदौ ११ बिहीवार १६:२३ मा प्रकाशित