काठमाडौं । समाज लघुवित्त वित्तीय संस्था लिमिटेडले प्राथमिक सेयर (आईपीओ शनिबार बाँडफाँड गर्ने भएको छ । संस्थाले भदौ ४ गतेदेखि सर्वसाधारणका लागि आईपीओ निष्कासन गरेको हो ।
आईपीओमा प्राप्त आवेदनहरुको प्रमाणीकरण गर्ने कार्य सम्पन्न भएको र शुक्रबार प्रि अलोटमेन्ट गरेर शनिबार आईपीओ बाँडफाँड गरिने निष्काशन तथा बिक्री प्रबन्धक सिद्धार्थ क्यापिटल लिमिटेडले जनाएको छ ।
संस्थाले ८० लाख ७० हजार रुपैयाँ बराबरको ८० हजार ७०० कित्ता आईपीओ निष्कासन गरेको हो । ५ लाख ६६ हजार ४७३ आवेदकले १ अर्ब २० करोड १५ लाख रुपैयाँ बराबरको एक करोड २० लाख १५ हजार ८२० कित्ता सेयर माग गरेका छन् ।
न्यूनतम १० कित्ताका दरले शेयर वितरण गर्दा लघुवित्तको सेयर ५ लाख ५८ हजार ४०३ आवेदकले नपाउने भएका छन ।
वि.सं.२०७७ भदौ १२ शुक्रवार ०८:३१ मा प्रकाशित