काठमाडौ । गृह मन्त्रालयले शुक्रबार तीन जिल्लाका प्रमुख जिल्ला अधिकारी (सिडिओ) को सरुवा गरेको छ ।
मन्त्रालयले काभ्रेपलाञ्चोकका प्रमुख जिल्ला अधिकारी श्रवण तिमिल्सिनालाई झापाको प्रमुख जिल्ला अधिकारीमा सरुवा गरेको छ । यसैगरी काभ्रेको प्रमुख जिल्ला अधिकारीमा सल्यानका शिवकुमार शर्मालाई ल्याइएको छ ।
सल्यानको प्रमुख जिल्ला अधिकारीमा भने गृह मन्त्रालयका हेमराज तामाङलाई लगिएको छ । यस्तै झापाका प्रमुख जिल्ला अधिकारी उदयरानालाई महावाणिज्यदुत बनाउने उद्धेश्यका साथ परराष्ट्र मन्त्रालयमा सरुवा गरेपछि झापामा प्रमुख जिल्ला अधिकारी पद रिक्त रहन पुगेको थियो ।
वि.सं.२०७७ भदौ १२ शुक्रवार २१:०३ मा प्रकाशित