काठमाडौं । त्रिभुवन विश्वविद्यालले कोभिड १९ का कारण भदौ १५ सम्म बन्द भएका क्याम्पसहरुलाई स्थानीय प्रशासन र सरकारी निकायहरुबाट अनुकूल हुनेगरी बन्द गर्ने या खोल्ने भन्ने निर्णय गर्न आङ्गिक क्याम्पसहरुलाई निर्देशन दिएको छ ।
विश्वविद्यालयले आज एक विज्ञप्ति निकाल्दै क्याम्पस खोल्ने, नखोल्ने या आंशिक रुपमा खोल्नेबारे निर्णय गरेर विश्वविद्यालयमा जानकारी दिन भनेको हो।
‘त्रिवि अन्तर्गतका सबै क्याम्पसहरु भदौ १५ गतेसम्म बन्द गरिएकोमा विद्यमान अवस्थासमेत कोभिड १९ को संक्रमण नियन्त्रण भइनसकेको संक्रमण नियन्त्रणका लागि स्थानीय तथा प्रशासनबाट जारी आदेशहरु अनुकुल हुनेगरी देहाय बमोजिम क्याम्पसर कार्यलयहरु आंशिक या पूर्ण बन्द वा सञ्चालन गर्ने सम्बन्धमा सम्बन्धित क्याम्पस आफैँले निर्णय गरी ब्यवस्था गर्न गराउन र सो को जानकारी त्रिवि केन्द्रीय कार्यालयमा दिनुहुन सबै क्याम्पस कार्यालयहरुको जानकारीका लागि यो सूचना प्रकाशित गरिएको छ,’ विश्वविद्यालयले जारी गरेको सूचनामा भनिएको छ।
हेर्नुहोस् सूचना :
वि.सं.२०७७ भदौ १६ मंगलवार १३:३३ मा प्रकाशित