काठमाडौं । युवाहरुले “दलितमाथि हुने विभेदहरुको प्रतिरोध गरौं“ भन्ने नारासहित माईतिघर मण्डलामा धर्ना दिएका छन् । आज(मंगलबार) काठमाडौंमा रहेको माईतिघर मण्डलामा युवाहरुले धर्ना दिएका हुन् ।
संयुक्त राजनितिक दलित संघर्ष समिति, काठमाडौं र नागरिक समाजको आयोजनामा मण्डलामा धर्ना तथा विरोध प्रदर्शन गरेका हुन् । शम्भु सदा देखि जेल भित्र हत्या भएको सबै दलितहरू र अन्य जातीय घटनाको विरोध गर्दै न्यायको माग गर्दै उनीहरु धर्ना बसेका हुन् ।
पछिल्लो समय दलित समुदायमाथि जघन्य अपराधका घटनाहरु भएका छन् । दलितमाथि भएको विभेद र अत्याचारका घटनालाई सरकारको गम्भिर रुपमा लिएको देखिदैन् ।
भदौं २६ गते मात्रै कैलाली धनगढी– ५ का १९ वर्षीय रोशन विक प्रहरी हिरासतको शौचालयमा मृत भेटिए । पीडित परिवार र दलित अधिकारकर्मीले प्रहरीको यातनाले विकको मृत्यु भएको भन्दै विरोध गरिरहेका छन् । तर यो विषयमा प्रहरीमाथि कुनै छानबिन भने भएको देखिदैन् ।
वि.सं.२०७७ भदौ ३० मंगलवार २२:०१ मा प्रकाशित