काठमाडौं । युनाइटेड इदी–मार्दी एण्ड आरबी हाइड्रोपावर लिमिटेडले आजदेखि आयोजना प्रभावित स्थानीय बासिन्दालाई प्राथमिक शेयर (आईपीओ) निष्कासन गरेको छ।
पहिलो चरणमा उद्योग प्रभावित क्षेत्र कास्की जिल्लाका आयोजना प्रभावित स्थानीय बासिन्दाहरुलाई ४ करोड २० लाख रुपैयाँ बराबरको ४ लाख २० हजार कित्ता आईपीओ बिक्री खुला गरेको हो। आईपीओमा स्थानीय बासिन्दाले न्यूनतम १० कित्तादेखि १० हजार कित्तासम्मको लागि आवेदन दिन सक्नेछन्।
कम्पनीले जारी पुँजीको २५ प्रतिशत अर्थात कम्पनीले १० करोड ५० लाख रुपैयाँ बराबरको १० लाख ५० हजार कित्ता आईपीओ निष्कासन गर्ने भएको छ।
जसअनुसार कम्पनीले पहिलो चरणमा आयोजना प्रभावित स्थानीय बासिन्दाका लागि ४ लाख २० हजार कित्ता आईपीओ निष्कासन गरेको हो। कम्पनीले दोस्रो चरणमा सर्वसाधारणका लागि ६ लाख ३० हजार कित्ता आईपीओ निष्काशन गर्ने भएको छ।
आईपीओमा स्थानीयले छिटोमा असोज ७ गतेदेखि २१ गतेसम्म आवेदन दिन सक्ने छन् । यस्तै ढिलोमा कात्तिक ५ गतेसम्म आवेदन दिन पाइने व्यवस्था छ । सेयर निष्कासन तथा बिक्री प्रबन्धक ग्लोबल आईपीओ क्यापिटल लिमिटेड छ।
२०७६ असोज २० गतेदेखि ७ मेगावाटको माथिल्लो मार्दि खोला आयोजनाबाट व्यापारिक रुपमा बिजुली उत्पादन सुरु गरेको हो । आयोजना बनाउन प्रतिमेगावाट लागत निर्माण अवधिको ब्याजसहित २० करोड ३९ लाख ७६ हजार रुपैयाँ रहेको छ।
वि.सं.२०७७ असोज ७ बुधवार ११:१५ मा प्रकाशित