काठमाडौं । बुधवार ११ ओटा समूहको परिसूचक नकारात्मक हुँदा नेप्से परिसूचक १० दशमलव ७२ अंकले घटेको छ ।
म्युचुअल फण्ड समूहको परिसूचक शून्य दशमलव शून्य २ प्रतिशत बढेको छ भने बाँकी बैंकिङ, व्यापार, विकास बैंक, होटल्स, जलविद्युत, वित्त, लघुवित्त, निर्जीवन बीमा, जीवन बीमा, उत्पादन तथा प्रशोधन र अन्य समूहको परिसूचक घट्दा समग्र नेप्से घटेको हो ।
१ हजार ५४३ दशमलव ३७ विन्दुबाट कारोबार शुरु भएको बजार कारोबारको यस अवधिमा शून्य दशमलव ६९ प्रतिशत घटेर १ हजार ५३५ दशमलव ४४ विन्दुमा पुगेको छ ।
पहिलो घण्टाको अवधिमा १८० ओटा कम्पनीको ९ हजार ७९२ पटकको कारोबारमा ९९ लाख ५३७ कित्ता शेयरको रू. ३३ करोड १० लाख बराबरको शेयर खरीदविक्री भएको छ ।
वि.सं.२०७७ असोज ७ बुधवार १२:१७ मा प्रकाशित