काठमाडौं । बिहीवार पनि सुनको भाउ घटेको छ । आज सुन १२ सयले घटेको नेपाल सुनचाँदी व्यवसायी महासंघले जानकारी दिएको छ ।
मंगलबार १७ सयले घटेको सुन बुधबार पनि १२ सयले घटेको थियो । महासंघका अनुसार आज छापावाल सुन तोलामा ९३ हजार १ सयमा कारोबार भइरहेको छ ।
यो सोमबारको भन्दा ४ हजार १ सयले कमी हो । यस्तै आज तेजावी सुन तोलामा ९२ हजार ६ सय रुपैयाँमा कारोबार भइरहेको छ । यता चाँदीको मूल्य भने आज प्रतितोला ७० रुपैयाँले घटेको छ ।
महासंघका अनुसार चाँदी आज प्रतितोला ११ सय २० रुपैयाँमा कारोबार भइरहेको छ।
वि.सं.२०७७ असोज ८ बिहीवार ११:२८ मा प्रकाशित
