काठमाडौँ । पछिल्लो २४ घन्टामा देशभर २ हजार ९४२ जनामा कोरोना सङ्क्रमण पुष्टि भएको छ । पछिल्लो २४ घन्टामा १४ हजार ८७५ नमुना पिसिआर विधिबाट परीक्षण गरिएको थियो ।
नेपालमा कूल सङ्क्रमितको सङ्ख्या एक लाख ३२ हजार २४६ पुगेको छ । हालसम्म १२ लाख ८३ हजार ३५४ नमूनाको पिसिआर विधिबाट परीक्षण गरिएको छ ।
त्यसैगरी पछिल्लो २४ घन्टामा काठमाडौँ उपत्यकामा एक हजार ६९८ कोरोना पुष्टि भएको छ । काठमाडौँमा एक हजार ४६९, ललितपुरमा १३० र भक्तपुरमा ९९ नयाँ सङ्क्रमित थपिएको स्वास्थ्य तथा जनसङ्ख्या मन्त्रालयले जनाएको छ ।
मन्त्रालयका अनुसार सक्रिय सङ्क्रमितको सङ्ख्या ३९ हजार ३४१ पुगेको छ । यसैगरी पछिल्लो २४ घन्टामा २ हजार ३२६ जना कोरोना मुक्त भएका छन् ।
यससँगै नेपालमा कोरोना मुक्त हुनेको सङ्ख्या ९२ हजार १६६ पुगेको छ । हाल चार हजार ८३१ सङ्क्रमित क्वारेन्टिनमा रहेका छन् ।
वि.सं.२०७७ कात्तिक २ आइतवार १६:३१ मा प्रकाशित
