काठमाडौं । काठमाडौंको पशुपति भिजनस्थित आमादब्लम होटलको क्वारेन्टीनमा बसेका एक जनाले आठौं तलाबाट हाम फालेर घाइते भएका छन् ।
मंगलबार दिउँसो साउदी अरबियाबाट काठमाडौं आएका बर्दीयाका धर्मराज गिरी राती होटलको आठौं तलाबाट हाम फालेका हुन् ।जमिनमा बजारिनु अघि तारमा अड्किएका गिरीको गम्भीर घाइते अवस्थामा अहिले काठमाडौं मेडिकल कलेज सिनामंगलमा उपचार भइरहेको छ ।
४० वर्षीय गिरी मंगलबार १ सय ३० जना अन्य यात्रुसहित साउदी अरबियाबाट नेपाल फर्किएका थिए ।उनलाई एक साता क्वारेन्टिमा बस्नुपर्ने भन्दै नेपाली सेनाको टोलीले होटलमा छाडेर गएको थियो ।
पछि उनी झ्याल खोलेर हामफालेको होटेलको सिसिटिभी क्यामरामा देखिएको छ ।
वि.सं.२०७७ कात्तिक १९ बुधवार ११:४८ मा प्रकाशित