back

लक्ष्य अनुसार काम भए/नभएको मुल्याङ्कन गर्न प्रमुख खुलालको सुझाव

Kumari bank ad

बिश्व अधिारी, मकवानपुर । जिल्ला समन्वय समिति (जिसस) मकवानपुरका प्रमुख रघुनाथ खुलालले लक्ष्य अनुसारको काम भए/नभएको विषयमा स्थानीय तहले मुल्याङ्कन गर्ने बेला भएको बताउनुभएको छ ।

आईतबार जिल्लाको मनहरी गाउँपालिकामा चालु आर्थिक वर्षको पहिलो चौमासिकमा भएका प्रगतिको अनुगमन तथा समिक्षाका क्रममा उहाँले स्थानीय तहहरुमा थुप्रै कामहरु भएको भए पनि आफुले निर्धारण गरेको लक्ष्य अनुसार काम भए/नभएको मुल्याङ्कन गर्न सुझाव दिनुभयो ।

प्रमुख खुलालले पैसा छरेर मात्र विकास नदेखिने भन्दै योजनावद्ध विकासमा ध्यान दिनूपर्ने भन्दै लक्ष्य निर्धारण गरेर काम गर्न र त्यसको व्यवस्थित अभिलेखिकरण गर्न आग्रह गर्नुभयो ।

प्रमुख खुलालले विभिन्न कारणले स्थानीय तहहरुले पूर्ण रुपमा ढुक्क भएर काम गर्न नसकेको भन्दै आइ परेका समस्याहरु विस्तारै समाधान हुँदै जाने समेत बताउनुभयो ।

संघीयता कार्यान्वयनको चरणमा केहि समस्याका बाबजुद पनि स्थानीय तहहरुले थुप्रै काम गरिरहेको हुँदा कहि कतै नचुक्ने गरि कामलाई निरन्तरता दिन उहाँले अनुरोध गर्नुभयो ।

प्रमुख खुलालले स्थानीय तहहरुले व्यवहारिक निति र दरो कार्यान्वयनका साथ काम गर्नुपर्नेमा जोड दिनुभयो । कागजमा मात्रै दरो निति बनाउनु भन्दा कार्यान्वयनमा दरो भएर लाग्नु पर्ने उहाँको भनाई थियो ।

जनप्रतिनिधि र कर्मचारीको संयुक्त पहलमा मात्र समृद्धि हासिल गर्न सकिने भन्दै उहाँले हरेक काम विधिमा टेकेर समन्वयका साथ गर्न आग्रह गर्नुभयो ।

उहाँले मनहरी गाउँपालका मकवानपुरका अन्य स्थानीय तहहरु भन्दा छुट्टै विषेश्ता भएको गाउँपालिका रहेको भन्दै सोहि अनुसारकै योजना बनाउन समेत आग्रह गर्नुभयो ।

कानुन सम्वत र पारदर्शि रुपमा काम गरेमा मात्र शुसासन कायम गर्न सिकन्छ भन्ने कुरालाई ख्याल गर्नु पर्ने उहााको भनाई थियो । उहाँले मनहरी गाउँपालिकालाई असारे विकासको परिपाटी अन्तय गर्ने गरि लक्ष्य निर्धारण गरेर काम गर्न सुझाव दिनुभएको छ ।

कार्यक्रममा मनहरी गाउँपालिकाका अध्यक्ष एकराज उप्रेतीले समग्र रुपमा लक्ष्य निर्धारण गरेरै काम भएको बताउनुभयो । उहाँले गाउँपालिकामा कृषि र पर्यटन क्षेत्रको प्रचुर सम्भावना रहेकाले उक्त क्षेत्रलाई विशेष महत्व दिएर काम गरेको बताउनुभयो ।

चालु आवमा गाउँपालिकाले करीब ७८ करोड ३८ लाख रुपैयाँ बराबरको बजेट निर्धारण गरेको मध्ये पहिलो चौमासिक सम्म करीब ११ प्रतिशत रकम खर्च भईसकेको समेत बताउनुभयो ।

कुल १८० योजना मध्ये कार्तिक मसान्त सम्ममा स्टिमेट तयार, उपभोक्ता समिति गठनलगायतका पहिलो चौमासिकमा गर्नुपर्ने काम सकेको साथै २४ वटा योजना सम्झौता भइसकेको र १० वटा योजनाको भुक्तानी समेत भईसकेको जानकारी दिनुभयो ।

कार्यक्रममा जिल्ला समन्वय समितिका सदस्य देवराज रिमाल, नायब सुब्बा उपेन्द्रनाथ पोखरेललगायत गाउँपालिकाका विभिन्न वडाका वडा अध्यक्षहरु, सदस्यहरु, तथा कर्मचारीहरुको उपस्थिती थियो ।

जिल्ला समन्वय समितिले असारे विकासलाई अन्त्य गर्नुपर्छ भन्ने उद्ेश्यका साथ समयमै योजना सम्झौता, उपभोक्ता समिति गठन, लागत अनुमान तयारलगायतका काम भए/नभएको विषयमा अनुगमन तथा अन्तरकृया गर्ने क्रममा आईतबार मनहरी गाउँपालिकामा अनुगमन गरेको हो ।

वि.सं.२०७७ मंसिर २२ सोमवार १४:२४ मा प्रकाशित

You can share this post!

नेपाल टेलिकमले निः शुल्क इन्टरनेट सेवा उपलब्ध गराउने  

नेपाल टेलिकमले निः शुल्क इन्टरनेट सेवा उपलब्ध गराउने  

वि.सं.२०८० फागुन १२ शनिवार ०७:१९

काठमाडौँ, ११ फागुन : नेपाल टेलिकमले नेपालभित्र सञ्चालित ३४ विमानस्थलमा...

४० मेगावाट क्षमताको  तनहुँ जलविद्युत् आयोजनाको पचास प्रतिशत काम सकियो   

४० मेगावाट क्षमताको  तनहुँ जलविद्युत् आयोजनाको पचास प्रतिशत काम सकियो   

वि.सं.२०८० फागुन १२ शनिवार ०७:१३

दमौली (तनहुँ), ११ फागुन : तनहुँको ऋषिङ गाउँपालिका–१ मा निर्माणाधीन...

मिटरब्याज पीडितको जायज माग सम्बोधन हुन्छ : गृह मन्त्रालय  

मिटरब्याज पीडितको जायज माग सम्बोधन हुन्छ : गृह मन्त्रालय  

वि.सं.२०८० फागुन १२ शनिवार ०७:०७

काठमाडौँ, ११ फागुन : देशका विभिन्न स्थानबाट पैदलयात्रा (न्याय मार्च)...

कुन राशिको कस्तो छ ? हेर्नुहोस् आजको राशिफल

कुन राशिको कस्तो छ ? हेर्नुहोस् आजको राशिफल

वि.सं.२०८० फागुन १२ शनिवार ०७:०१

मेष मेष (चु, चे, चो, ला, लि, लु, ले, लो,...

स्नातक कार्यक्रम पुन: तीनवर्षे बनाइन्छ : उपकुलपति प्राडा बराल   

स्नातक कार्यक्रम पुन: तीनवर्षे बनाइन्छ : उपकुलपति प्राडा बराल   

वि.सं.२०८० फागुन ११ शुक्रवार १८:३१

कीर्तिपुर, ११ फागुनः त्रिभुवन विश्वविद्यालयका नवनियुक्त उपकुलपति प्राडा केशरजङ्ग बरालले...

नेपाल टेलिकम र नागरिक उड्डयन प्राधिकरण बिच सम्झौता, ३४ वटा विमानस्थलहरुमा फ्रि वाइफाई गराउने

नेपाल टेलिकम र नागरिक उड्डयन प्राधिकरण बिच सम्झौता, ३४ वटा विमानस्थलहरुमा फ्रि वाइफाई गराउने

वि.सं.२०८० फागुन ११ शुक्रवार १८:१४

काठमाडौं । नेपाल टेलिकमले नेपाल भित्र सञ्चालित ३४ विमानस्थलहरुमा फ्रि...