काठमाडौं । नेपाल स्टक एक्सचेञ्ज (नेप्से) परिसूचक आज ३९ अंकले घटेको छ ।
एक करोड आठ लाख कित्ता सेयर किनबेच भई ४ अर्ब ७४ करोड रूपैयाँ बराबरको कारोबार भएको दिन झण्डै ४० अंकले घटेको हो । लगातार दोस्रो दिन घटेको सेयर बजार आज १,९५५ अंकमा पुगेर रोकिएको छ ।
यस क्रममा आज जलविद्युतको सूचक २२ अंकले उकालो लाग्नुबाहेक अन्य सबै समूह ओरालो लागेको छ । त्यसमध्ये जीवन बीमा कम्पनीको सूचक सबैभन्दा धेरै २७० रूपैयाँले घटेको छ। यस्तै, निर्जीवन बीमा कम्पनीको सूचक पनि २२५ अंकले खुम्चिएको छ ।
बजार घटे पनि आज नारायणी विकास बैंकका लगानीकर्ताले सबैभन्दा धेरै प्रतिकित्ता ३६ रूपैयाँ कमाएका छन्।
वि.सं.२०७७ मंसिर २४ बुधवार १५:१७ मा प्रकाशित