काठमाडौं । एनआईसी एशिया बैंकले आफ्नो स्वामित्वमा रहेका २ वटा कम्पनीको संस्थापक शेयर बिक्री खुला गरेको छ । कम्पनीहरुको ३ लाख २८ हजार २८६ कित्ता संस्थापक शेयर रहेको छ ।
बैंकले नागरिक लगानी कोषमा रहेको २ लाख २ हजार ५६० र नेसनल लाइफ इन्स्योरेन्स कम्पनी लिमिटेडको १ लाख २५ हजार ७२६ कित्ता शेयर लिलामीमा ल्याएको जनाएको छ ।
लगानीकर्ताले नागरिक लगानी कोषको शेयरमा न्यूनतम २ हजार ३६२, नेसनलको शेयरमा न्यूनतम ५०५ रुपैयाँ राखेर आवेदन दिन सक्नेछन् । पुस १ गतेसम्म बोलपत्र पेश गर्न सकिने बैंकले जनाएको छ ।
लिलामी आवेदन एनआईसी एशिया क्यापिटल बबरमहल, एनआईसी एशिया बैंकको केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट पेस गर्न सकिनेछ ।
वि.सं.२०७७ मंसिर २५ बिहीवार १२:३६ मा प्रकाशित