काठमाडौं । प्रतिष्ठित व्यावसायिक संस्था हिमालयन अर्गनाइजेशन अन्तर्गतको हिमालयन मोटोराड कम्पनीले नेपाली बजारमा नयाँ इलेक्ट्रिक अटोको बिक्री शुरु गरेको छ ।
कम्पनीले केरेला अटोमोबाइल्सले भारतमा निर्माण गरेको निम–जि इलेक्ट्रिक अटो नेपाली बजारमा ल्याई विक्री वितरण शुरु गरेको हो ।कम्पनीले देशभर आज (आइतबार) देखि बिक्री वितरण शुभारम्भ गरेको छ ।
कम्पनीका अनुसार इलेक्ट्रिक अटोको सञ्चालन खर्च प्रति किलोमिटर ७५ पैसा रहेको छ । अटोमा जडान गरिएको ब्याट्रीमा तीन वर्ष वा १५ सय लाइफ सर्कलको वारेन्टी रहेको छ भने ३ घण्टा ५५ मिनेटमै फूलचार्ज गर्न सकिने छ ।
अटोले ३० डिग्रीसम्मको उकालो सजिलै चढ्न सक्ने र नेपालको बाटो सुहाउँदो भएको बताइएको छ । टेम्पोले प्रति घण्टा ५० किलोमिटर यात्रा गर्न सक्ने छ ।
वि.सं.२०७७ मंसिर २८ आइतवार १७:४५ मा प्रकाशित
