काठमाडौं । बैंक अफ काठमाण्डूको ऋणपत्रमा आवेदन दिने आज अन्तिम दिन रहेको छ ।
बैंकले मंसिर २४ गतेदेखि १६ लाख कित्ता ऋणपत्र निष्कासन गरेको थियो । त्यसमा पुर्व निर्धारित समय अनुसार नै आज बैकिङ समय पश्चात आवेदन लिन बन्द गरिने छ ।
एक कित्ता ऋणपत्रको मुल्य रु. १ हजार तोकिएको छ । त्ययसमा ६ लाख ४० हजार सर्वसाधारणको लागि र बाँकी रहेको ९ लाख ६० हजार कित्ता ब्याक्तिगत तबरबाट विक्री गरिने छ ।
उक्त ऋणपत्रमा न्यूनतम २५ कित्ता र अधिकतम ३ लाख कित्ताको लागि आवेदन दिन सकिने छ । बैंकले १० बर्षका लागि उक्त ऋणपत्र निष्काशन गर्न लागेको हो ।
त्यसमा वार्षिक ८ दशमलव ५ प्रतिशत ब्याजदर निर्धारण गरिएको छ । निष्कासन तथा विक्री प्रबन्धक नबिल इन्भेष्टमेण्ट बैंकिङ रहेको छ । उक्त ऋणपत्रलाई इक्रा नेपालले मध्यम जोखिम जनाउने इक्राएनपी बिबिबि प्लस रेटिङ प्रदान गरेको छ । यसले समयमानै वित्तीय दायित्व पुरा गर्ने तथा मध्यम कर्जा जोखिम रहने देखाउँछ
वि.सं.२०७७ मंसिर २९ सोमवार ०९:२० मा प्रकाशित