काठमाडौं । सिनर्जी पावर डेभलपमेन्ट लिमिटेडले ५ प्रतिशत लाभांश प्रस्ताव गरेको छ ।
कम्पनीको मंगलवार बसेको सञ्चालक समितिको बैठकले लगानीकर्तालाई गत वर्षको नाफाबाट हाल कायम चुक्तापूँजीको ४ दशमलव ७५ प्रतिशत बोनस शेयर र कर प्रयोजनको लागि शून्य दशमलव २५ प्रतिशत नगद लाभांश दिने प्रस्ताव गरेको हो ।
यो लाभांश पाउन आगामी सभाले अनुमोदन गर्नुपर्ने हुन्छ । यसैबीच कम्पनीले लाभांश प्रस्ताव पारित गर्न पुस २२ गते सभा बोलाएको छ । कम्पनीले आर्थिक वर्ष २०७४/७५, २०७५/७६ र २०७६/७७ को सभा एकैपटक बोलाएको हो ।
सभा कम्पनीको रजिष्टर्ड कार्यालय नक्साल काठमाडौंमा भर्चुअल माध्यमबाट बिहान ११ बजे शुरु हुनेछ ।
वि.सं.२०७७ पुस १ बुधवार ११:१७ मा प्रकाशित