काठमाडौं । मन्त्रीपरिषद्को बैठकले सङ्घीय संसद विघटनका लागि सिफारिस गर्ने निर्णय गरेको छ ।
प्रधानमन्त्री निवास बालुवाटारमा आज बसेको मन्त्रीपरिषद्को आकस्मिक बैठकले राष्ट्रपति विद्यादेवी भण्डारी समक्ष सङ्घीय संसद् विघटनको लागि सिफारिस गर्ने निर्णय गरेको हो ।
नेकपाका नेता जनार्दन शर्मा लगायतका सांसदहरुले राष्ट्रपति कार्यालयमा प्रधानमन्त्री विरुद्ध अविश्वासको प्रस्ताव लाने तयारी गरेको सूचना प्राप्त गरेसँगै प्रधानमन्त्री ओलीले सङ्घीय संसद् विघटनको लागि राष्ट्रपति समक्ष सिफारिस गर्ने निर्णय गरेको प्रधानमन्त्री निकट स्रोतले जनाएको छ ।
नेकपा भित्र देखिएको विवाद उत्कर्षमा पुगिरहेका बेला सरकारले संसद विघटन गर्ने निर्णय गरेको हो । सरकारको निर्णय लिएर प्रधानमन्त्री ओली राष्ट्रपति कार्यालय शितलनिवास पुगिसक्नु भएको छ ।
वि.सं.२०७७ पुस ५ आइतवार ११:०५ मा प्रकाशित
