काठमाडौं । वाणिज्य बैंकहरुको औसत ब्याजदर घटेको छ । चालू आर्थिक वर्षको ४ महिनामा कर्जाको औसत ब्याजदर ९.५२ प्रतिशतमा झरेको छ ।
अघिल्लो वर्षको सोही अवधिमा १२.०७ प्रतिशत थियो । आधारदर घटेपछि कर्जाको ब्याजदर कम भएको हो । आधारदर घटेर ७.५७ प्रतिशत छ । गत वर्षको कात्तिकमा आधारदर ९.५० प्रतिशत थियो ।
यस्तै निक्षेपको ब्याजदर घटेर औसत ५.३१ प्रतिशत झरेको छ । गत वर्षको सोहीमा निक्षेपको ब्याजदर ६.८१ प्रतिशत थियो । वाणिज्य बैंकहरुबीचको अन्तर–बैंक कारोबारको भारित औसत ब्याजदर २०७६ कात्तिकमा २.५९ प्रतिशत रहेकोमा २०७७ कात्तिकमा ०.१४ प्रतिशत कायम भएको छ ।
मौद्रिक नीतिको सञ्चालन लक्ष्यको रुपमा लिइने औसत अन्तर–बैंक ब्याजदर २०७७ कात्तिकमा ०.१६ प्रतिशत कायम भएको छ ।
वि.सं.२०७७ पुस ६ सोमवार १५:३१ मा प्रकाशित
