झापा । नगरपालिका प्रमुख (मेयर)का बुवाको निधन भएको भन्दै झापाको कनकाई नगरपालिकाभर सार्वजनिक बिदा दिइएको छ ।
मेयर राजेन्द्रकुमार पोखरेलका बुवा गणेशप्रसाद पोखरेलको निधनको शोकका लागि भन्दै आज (पुस १६) गते नगरपालिका क्षेत्र भित्र सार्वजनिक बिदा दिइएको हो ।
नगरपालिकाका प्रमुख प्रशासकीय अधिकृत मोहन प्रसाद न्यौपानेले एक सूचना जारी गर्दै मेयर पोखरेलका बुवाको निधनमा शोक मनाउन भन्दै सार्वजनिक बिदा दिइएको जनाएका छन् ।
मेयर पोखरेलका बुवा गणेशप्रसाद पोखरेलको ८७ वर्षको उमेरमा बुधबार (पुस १५ गते) अपराह्न निधन भएको नगरपालिकाको सूचनामा उल्लेख छ ।
दिवंगत पोखरेल तत्कालीन सुरुङ्गा गाउँ पञ्चायतमा ४ पटकसम्म प्रधानपञ्च रहेका थिए ।
हेर्नुहोस् सूचना :
वि.सं.२०७७ पुस १६ बिहीवार ११:०६ मा प्रकाशित
