काठमाडौं । जुम्लाको गुठिचौर गाउँपालिका –२ निवासी पूर्ण अशक्त निर्मला बुढा र विष्णुमाया बुढालाई मानवसेवा आश्रममा पुनर्स्थापन गरिएको छ ।
अपाङ्गता भएका उनीहरुको संरक्षणको अभाव भएपछि गाउँपालिका, स्थानीय प्रशासन, अपाङ्गता पुनर्स्थापना तथा विकास केन्द्रको पहलमा कर्णाली प्रदेशको राजधानी वीरेन्द्रनगर सुर्खेतमा रहेको मानवसेवा आश्रममा तत्कालका लागि पुनर्स्थापना गरिएको जनाइएको छ । उनीहरुको १२ वर्ष बढी समयमा जुम्लामा नै संरक्षण भइरहेको थियो ।
गुठिचौर गाउँपालिकाका अध्यक्ष हरिबहादुर भण्डारीले १५ हजार तीन जनालाई यातायात खर्च र १० हजारको मानवसेवा आश्रमलाई कपडा वा कुनै सहयोगका लागि गरेर २५ हजार सहयोग गर्ने निर्णय भएको बताए आठ वर्षसम्म स्थानीय चन्दननाथ नगरपालिका– ३ निवासी सम्झना शाहीले घरमा उनीहरुलाई संरक्षण गरिरहेकि थिइन्।
उनी सदरमुकाम बाहिर रोजागारीको सिलसिलामा सिँजामा गएकाले संरक्षण अभाव भएको जनाउँदै प्रमुख जिल्ला अधिकारी भुपेन्द्र थापा र गाउँपालिका अध्यक्ष हरिबहादुर भण्डारीसहितको सरोकारवाला निकायको स्थानीय प्रशासनमा बैठकले सामाजिक विकास मन्त्रालयका महिला विकास अधिकृत अनिता ज्ञवालीको समन्वयमा आश्रममा पठाउने निर्णय गरेको थियो ।
गाउँपालिकाले आवश्यक कागजात पु¥याएर भाडासहित जहाजमा सुर्खेत पठाएपछि आश्रममा तत्कालका लागि व्यवस्थापन गरिएको महिला विकास अधिकृत ज्ञवालीले बताएकि छिन् ।
अपाङ्गता पुनस्र्थापन तथा विकास केन्द्रका अध्यक्ष नन्दराज धितालका अनुसार तत्कालीन समयमा जिविसको सहयोगमा जिल्लामै पुनर्स्थापना केन्द्र निर्माण गर्ने उद्देश्यले भवन शुरु गरिएको थियो । सङ्घीय संरचनापछि सो भवन अधुरो भएकाले अहिले सडकमा धेरै व्यक्तिलाई पुनर्स्थापना गर्न नसकिएको जनाइएको छ ।
वि.सं.२०७७ पुस १६ बिहीवार १४:२५ मा प्रकाशित
