काठमाडौं । कुमारी बैंक लिमिटेडले आफ्ना ग्राहकहरुलाई लक्षित गदै डिजिटल भुक्तानी प्रणालीलाई प्रोत्साहन दिने उद्देश्यले आकर्षक इन्सेन्टिभ योजनाको थालनी गरेको छ ।
उक्त योजनाअन्तर्गत पुस १ गतेपछि कुमारी बैंकको मोबाइल एप्लिकेसन ‘कुमारी स्मार्टमा’ रजिष्टर भएका ग्राहकहरुले वार्षिक मोबाइल रजिस्ट्रेसन शुल्कमा एक सय रुपैयाँ फिर्ता पाउनेछन् ।
उक्त रकम फिर्ता पाउन ग्राहकले रजिस्ट्रेसन गरेको मितिदेखि ३ महिना भित्रमा कुमारी स्मार्ट मार्फत दुई हजारसम्मको कारोबार गरेको हुनु पर्नेछ ।
उक्त कारोबारमा कुमारी स्मार्टमार्फत गरिएका हरेक क्यू आर भुक्तानी, टपअप तथा पानी, बिजुली, इन्टरनेट, टिभी भुक्तानीलगायत स्कुल तथा कलेजका फी तथा मर्चेन्टको बिल भुक्तानी समेत समावेश गरिएको छ । यो योजना सिमीत अवधिको लागि मात्र रहने बैंकले जनाएको छ ।
उक्त रिफन्ड योजनाले सेवाग्राहीहरुमा डिजिटल भुक्तानी प्रणालीतर्फ उत्साह जगाउने र डिजिटल प्रविधिको अधिकतम् प्रयोगतर्फ डो¥याउने कुरामा बैंक विश्वस्त छ ।
विगत २० वर्षदेखि निरन्तर आधुनिक बैंकिङ सेवा सुविधाहरु दिँदै आएको कुमारी बैंकले डिजीटलीकरणलाई आत्मसाथ गर्दै आगामी दिनहरुमा आफ्ना देशव्यापी १९२ शाखा सञ्जाल, १५६ एटिएम लगायत २३ शाखारहित बैंकिङ ईकाईहरुमार्फत तप द्रूत गतिमा प्रभावकारी बैंकिङ सेवा सुविधाहरु पु¥याउँदै जाने प्रतिबद्धता गरेको छ ।
वि.सं.२०७७ माघ १४ बुधवार १२:२५ मा प्रकाशित
