काठमाडौं । बुधवार कारोबार भएको तेस्रो घण्टामा नेप्से परिसूचक १७ दशमलव शून्य ८ अंकले बढेर २ हजार ४४० दशमलव १७ विन्दुमा पुगेको छ ।
शून्य दशमलव ७१ प्रतिशतले बढेको बजारमा २०७ ओटा कम्पनीको रू. ५ अर्ब ६३ करोड २६ लाख बराबरको शेयरको खरीदविक्री भएको छ ।
तेस्रो घण्टामा कारोबारमा आएका १२ ओटा समूहको परिसूचकमध्ये बैंकिङ, होटल्स, जलविद्युत, वित्त र म्युचुअल फण्ड समूहको परिसूचक घटेको छ भने बाँकी व्यापार, विकास बैंक, निर्जीवन बीमा, उत्पादन तथा प्रशोधन, अन्य, लघुवित्त र जीवन बीमा समूहको समूहको परिसूचक बढेको छ ।
यस अवधिसम्म नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. ७४ करोड ४६ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. २ हजार ३८९ मा कारोबार भइरहेको छ ।
कारोबार रकमकै आधारमा सर्वाधिक कारोबार हुने दोस्रो कम्पनीमा प्रइम कमर्सियल बैंक रहेको छ । उक्त कम्पनीको प्रतिकित्ता रू. ४७४ मा रू. ३३ करोड ५ लाख बराबरको शेयर खरीदविक्री भएको छ ।
वि.सं.२०७७ माघ १४ बुधवार १३:५७ मा प्रकाशित
