काठमाडौं । निकै उतार चढावकाबीच सेयर बजारले आफ्नो गति लिने क्रम भनेको छोडेको छैन ।
पछिल्लो समयमा सेयर बजारले कुनै न कुनै रुपमा रेकर्ड कायम नै गरिरहेको छ । साताको पहिलो दिन आइतबार नयाँ रेकर्ड कायम गरेको सेयर बजारले सोमबार फेरी अर्को रेकर्ड कायम गरेको छ ।
कारोबारको सुरुमा केही गिरावट देखिएपनि अन्तिम समयमा नेप्से मापन गर्ने सूचक ३७.४८ अंकले बढेर इन्डेक्स २५६१.४७ बिन्दुमा रोकिएको छ ।
२०६ कम्पनीको २ करोड ११ हजार ५५५ कित्ता सेयर १० अर्ब ६१ करोड ९१ लाख ६३ हजार ८६९ रुपैयाँको सेयर किनेच भएको छ । यो नेपाली पुँजी बजारको इतिहासमा सबैभन्दा बढी भएको कारोबार हो । लगानीकर्ताको ध्यान बैंकिङ समूहमा जाँदा बजारलाई रेकर्ड ब्रेक गर्न सहज भएको देखिएको छ ।
ठूला कम्पनीको कारोबार मापन गने सेन्सेटिभ इन्डेक्स ७.२८ अंकले बढेर ४६६.६० बिन्दुमा रोकिएको छ । कारोबारमा बैंकिङ समूहको उपसूचक ६२.७२, विकास बैंक ८६.४२, वित्त २२.६८, जीवन बीमा समूहको उपसूचक २११.३७ अंकले बढेको छ भने निर्जीबन बीमा १३१.९२,माइक्रोफाइनान्स समूहको उपसूचक ३१.४२ अंकले घटेको छ ।
कारोबार रकमको आधारमा प्रभु बैंक अग्रस्थानमा रहेको छ । बैंकका ६२ करोड १३ लाख ५३ हजार १२९ रुपैयाँको सेयर किनबेच भएको छ ।
वि.सं.२०७७ माघ २६ सोमवार १५:०६ मा प्रकाशित
