काठमाडौं । माछापुच्छ्रे बैंकले दुवई स्थित रेमिट्यान्स कम्पनी सरफएक्सचेन्जसंग व्यवसायीक सम्झौता गरेको छ । बैंकले दुवईमा रहेका नेपालीहरु माझ आफ्नो सेवालाई अझै विस्तार गर्दै लैजाने क्रममा उक्त कम्पनीसंग व्यवसायीक सम्झौता गरेको हो ।
उक्त सम्झौतापत्रमा सरफएक्सचेन्जकोतर्फबाट महाप्रबन्धक सुरेश कुमार तथा बैंकको तर्फबाट प्रमुख कार्यकारी अधिकृत सन्तोष कोइरालाले हस्ताक्षर गर्नुभएको छ ।
उक्त सम्झौता पश्चात अव दुवईमा रहेका नेपालीहरुले दुवईस्थित सरफएक्सचेन्जका सम्पूर्णशाखाबाट पठाएको रकम सजिलैसँग बैंकका देशभर रहेका सम्पूर्ण शाखा तथा ७ हजार भन्दा बढि रेमिट्यान्स एजेन्ट मार्फत भुक्तानी लिन सकिने छ ।
स्थापनाकालदेखि नै नयाँ–नयाँ प्रविधिमा आधारित सेवा सुविधा ग्राहक माझ ल्याउन कटिवद्ध रहेको बैंक पुर्वदेखि पश्चिम साथै हिमाल देखि पहाड, र तराईसम्म आफ्ना १६० वटा शाखाहरु, १५६ शाखारहित बैकिङ्ग सेवा र ५ एक्सटेन्सन काउण्टर समेत गरी जम्मा ३२१ स्थानमा रहेका सेवा सञ्जाल तथा १९७ वटा एटीएमहरु तथा करिब २ हजार भन्दा बढि पिओएस (POS Machine) मार्फत बाट ग्राहक महानुभावहरुलाई अत्याधुनिक प्रविधिसहित सम्पुर्ण बंैकिङ्ग सुबिधाप्रदान गरीरहेको छ ।
वि.सं.२०७७ माघ २९ बिहीवार ०९:३५ मा प्रकाशित
