काठमाडौं । सेयर बजारले लगानीकर्ताको २६ सयको मनोवैज्ञानिक घेरा पार गरेको छ । नेप्से मापन गर्ने सूचक १५.५० अंकले बढेर परिसूचक २६०१.५१ बिन्दुमा रोकिएको छ । २०८ कम्पनीको १ करोड ७७ लाख ३२ हजार ७६५ कित्ता सेयर १० अर्ब ३ करोड ५४ लाख ५४ हजार ९५५ रुपैयाँको सेयर किनबेच भएको छ ।
ठूला कम्पनीको कारोबार मापन गर्ने सेन्सेटिभ इन्डेक्स ४.०९ अंकले बढेर ४७३.५३ बिन्दुमा रोकिएको छ । कारोबारको सुरुमा बजारमा उछाल आएपनि पुन करेक्सन भएर फेरी उछाल कायमै गरेको थियो । इन्ट्रा डे कारोबारमा २६३० बिन्दु पार गरेपनि पुन बजारमा करेक्सन देखिँयो । बैंकिङ समूहले बजारको बढोत्तरीमा साथ दिएपनि जीवन बीमा, माइक्रोफाइनान्स, उत्पादन तथा प्रशोधन, निर्जीबन बीमा, जलविद्युत समूहको उपसूचकमा निकै गिरावट आएको छ ।
कारोबार रकमको आधारमा नबिल बैंक अग्रस्थानमा रहेको छ । बैंकको ५२ करोड ९९ लाख ९६ हजार १२० रुपैयाँको सेयर किनबेच भएको छ । दोस्रो र तेस्रो स्थानमा ग्लोबल आईएमइ बैंक र नेपाल बंगलादेश बैंक रहेको छ । कारोबारमा चन्द्रागिरी हिल्स, नेपाल इन्फ्रास्टक्चर बैंक, मिर्मिरे माइक्रोफाइनान्स, कर्पोरेट डेभलपमेन्ट बैंक, हिमालयन उर्जा विकास कम्पनीको कारोबारमा सकारात्मक सर्किट नै लागेको छ ।
वि.सं.२०७७ फागुन ४ मंगलवार १५:०९ मा प्रकाशित
