काठमाडौं । सिभिल बैंकको १० औं वार्षिक साधारण सभा आज (फागुन ९ गते) सम्पन्न हुने भएको छ । उक्त सभा काठमाडौं सुन्धारास्थित सिभिल मलमा भर्चुअल रुपमा हुने छ ।
साभारणसभा बिहान ११ बजेबाट सुरु हुने बैंकले जानकारी गराएको छ । बैंकले सभाबाट सेयरधनीहरुलाई दिने भनेको ८.४२ प्रतिशत लाभांश दिने प्रस्ताव पारित गर्दैछ । बैंकले गत आर्थिक वर्षको वितरणयोग्य मुनाफाबाट ८ प्रतिशत बोनस र कर प्रयोजनको लागि ०.४२ प्रतिशत नगद सहित ८.४२ प्रतिशतले लाभांश दिने भएको हो ।
सभाको लागि बैंकले माघ २३ गतेबाट बुक क्लोज गरेको छ । माघ २२ गतेसम्म कायम भएका सेयरधनीले सभामा भाग लिन पाउनुका साथै लाभांश पाउनेछन् । सभाले आर्थिक वर्ष २०७७–७८ को लागि लेखापरीक्षक नियुक्त गर्ने र पारिश्रमिक तोक्ने प्रस्ताव पारित गर्ने छ । निर्धारण गर्ने लगायतका एजेन्डा पनि राखिएको छ ।
वि.सं.२०७७ फागुन ९ आइतवार १०:२४ मा प्रकाशित
