काठमाडौं । नेपाल स्टक एक्सचेन्ज (नेप्से) ले कम्पनीको सूचीकरणमा गरेको लापर्बाहीलाई सच्याएको छ । नेप्सेले रिलायन्स लाइफ इन्स्योरेन्सलाई लाइफ इन्स्योरेन्स समुहगत इन्डेक्समा नराखी अन्य समुहगत इन्डेक्समा राखेको थियो ।
कम्पनीको सूचीकरणमा लापर्बाही भएको समाचार आएपछि रिलायन्स इन्स्योरेन्सलाई अहिले अन्यबाट हटाएर लाइफ इन्स्योरेन्स समूहगत इन्डेक्समा राखेको छ ।
नेप्सेले कम्पनीको सूचीकरणको लागि भन्दै १५ वटा समूहगत इन्डेक्स बनाएको छ । त्यस्ता इन्डेक्समा जुन समूहमा जुन कम्पनी हुनुपर्ने हो त्यही मात्रै राख्नु पर्नेमा नेप्सेले लापर्बाही गररे समूहमा नपर्ने कम्पनीहरुलाई पनि मनोमानी ढंगले राख्ने गरेको थियो ।
नेप्सेले आफ्नो लापर्बाहीलाई सच्याएसँगै नेप्सेको वेवसाइटमा लाइफ इन्स्योरेन्स तर्फ ९ वटा सूचीकृत कम्पनी रहेका छन् । अब अन्यको सूचीमा ८ वटा मात्रै कम्पनी रहेका छन् ।
वि.सं.२०७७ फागुन १० सोमवार १०:४३ मा प्रकाशित