काठमाडौं । दक्षिण एसियाकै अत्याधुनिक क्यान्सर अस्पताल ‘पुर्वाञ्चल क्यान्सर अस्पताल’ को उदघाटन हुने भएको छ । झापा जिल्लाको बिर्तामोडमा रहेको उक्त अस्पतालका आज उद्घाटन हुन लागेको हो । अस्पतालतको प्रधानमन्त्री केपी शर्मा ओलीले उद्घाटन गर्नुहुने भएको छ ।
यो अस्पताल उद्घाटन भएसँगै अब क्यान्सर रोगीले उपचारको लागि विदेश जान नपर्ने भएको छ । अस्पतालका कार्यकारी निर्देशक दुर्गा प्रसाईका अनुसार यो अस्पतालबाट जस्तोसुकै क्यान्सरको पनि उपचार हुनेछ ।
क्यान्सरको उपचार गर्न अहिले विश्वस्तरिय अस्पतालले प्रयोग गरिरहेका उपकरण पुर्वाञ्चाल क्यान्सर अस्पतालमा जडान भएको छ ।
अहिले धेरै नेपालीहरु क्यान्सरको उपचार गर्न भारत जाने गरेका छन् । तर यो अस्पतालमा भारतका अस्पतालको भन्दा अत्याधुनिक प्रविधि जडान भएको प्रसाइको भनाइ छ ।
पुर्वाञ्चल क्यान्सर अस्पतालको क्षमता ३०० बेडको रहेको छ । यो अस्पताल करिब ६ अर्ब रुपैयाँ लगानी रहेको छ । अस्पतालमा पेट स्क्यान, एमआरआइ, सिटी स्क्यानलगायत अत्याधुनिक उपकरण सञ्चालनमा रहेको उहाँको भनाइ छ ।
वि.सं.२०७७ फागुन १८ मंगलवार ११:१३ मा प्रकाशित
