काठमाडौं । सरकार र नेकपा विप्लव समूहबीच तीन बुँदे सहमतिको बुँदा सार्वजनिक भएको छ ।
शुक्रबार (आज) सरकार र विप्लवका वार्ता टोलीका प्रतिनिधिले गरेको सम्झौता प्रधानमन्त्री केपी शर्मा ओली र विप्लव समूहका महासचिव नेत्र विक्रम चन्द ‘विप्लव’ सहितको उपस्थितीमा सहमतिको बुँदा सार्वजनिक गरिएको हो ।
सहमति पत्रमा सरकारको तर्फबाट गृह मन्त्री रामबहादुर थापा बादल र विप्लव समूहको तर्फबाट खड्गबहादुर विश्वकर्मा ‘प्रकान्ड’ले हस्ताक्षर गर्नुभएको छ ।
सहमति पत्रमा
१. दुबै पक्ष नेपाल सरकार तथा नेपाल कम्युनिष्ट पार्टी देशको राजनीतिक समस्याहरु वार्ता तथा संवादबाट समाधान गर्न सहमत भएका छौं,
२. नेपाल कम्युनिष्ट पार्टी आफ्ना सबै राजनीतिक क्रियाकलापहरु शान्तिपूर्णरुपमा सञ्चालन गर्न सहमत भएको छ,
३. नेपाल सरकार नेपाल कम्युनिष्ट पार्टीमाथि लगाएको प्रतिबन्ध हटाउन, नेपाल कारागारमा रहेका नेता तथा पार्टीका कार्यकर्ता रिहाइ तथा सम्पूर्ण मुद्दा खारेज गर्न सहमत भएको छ, भन्ने बुँदा रहेका छन् ।
वि.सं.२०७७ फागुन २१ शुक्रवार १५:५५ मा प्रकाशित