काठमाडौं । साताको तेस्रो कारोबार दिन नेप्सेमा दोहोरो अंकको गिरावट आएको छ । नेप्से मापन गर्ने सूचक २३.२२ अंकले घटेर परिसूचक २४६१.८८ बिन्दुमा पुगेर बन्द भएको छ ।
आज ४ अर्ब ७५ करोड २७ लाख रुपैयाँ बराबरको कारोबार भएको छ । नेप्से घटेपनि आज विभिन्न ५ कम्पनीको शेयरमा सकरात्मक सर्कित लागेको छ ।
उक्त दिन हिमालय उर्जा विकास कम्पनी, चन्द्रागिरी हिल्स, नेपाल हाइड्रो, रैराङ हाइड्रोपावर र युनाइमटेड फाइनान्सको शेयर मूल्यमा सकरात्मक सर्किट लागेको हो । आज यी कम्पनीहरुको शेयर मूल्य १० प्रतिशतले वृद्धि भएको हो ।
यस्तै, आज सर्पोट माइक्रोफाइनान्स वित्तिय संस्थाको शेयर मूल्य ५ दशमलव १८ प्रतिशतले घटेको छ । आज शेयर मूल्य घट्ने कम्पनीहरु मिथिला लघुवित्त, पोखरा फाइनान्स, नारायणी डेभलपमेन्ट बैंक, ग्लोबल आइएमई बैंक लगायतका कम्पनीहरु छन् ।
आज मिथिला लघुवित्तको शेयर मूल्य ४.६२ प्रतिशत, पोखरा फाइनान्सको ३.५३ प्रतिशत, नयारायणी बैंकको ३.२८ प्रतिशत र ग्लोबल आइएमई बैंकको पनि ३.२५ प्रतिशतले घटेको छ ।
वि.सं.२०७७ फागुन २५ मंगलवार १५:४५ मा प्रकाशित