काठमाडौं । सेयर बजारमा आएको गिरावट लगानीकर्ताहरुलाई निरास बनाएको छ । कारोबारको सुुरु देखि नै गिरावट आएको बजारमा इन्डेक्ससँगै कारोबार रकममा आएको गिरावटले लगानीकर्तालाई निरास बनाएको छ ।
इन्डेक्स घटेपनि कारोबार रकम उच्च हुँदा बजारमा धेरै तल नजाने लगानीकर्ताको मनोविज्ञान रहेको छ । पछिल्लो समयमा इन्डेक्समा आएको गिरावटसँगै कारोबार रकम पनि खस्कदै गएको छ । यसले लगानीकर्तालाई झनै निरास बढाउन थालेको छ । नेप्से मापन गर्ने सूचक २३.२२ अंकले घटेर परिसूचक २४६१.८८ बिन्दुमा रोकिएको छ ।
२१० कम्पनीको १ करोड २४ लाख ८२ हजार ४२८ कित्ता सेयर ४ अर्ब ७५ करोड २७ लाख ८ हजार १४७ रुपैयाँको सेयर किनबेच भएको छ । कारोबारमा जलविद्युत, होटल तथा टुरिजम समूहको उपसूचकमा सुधार देखिँदा बाँकी सबै समूहको उपसूचकमा गिरावट आएको छ । जसले गर्दा बजारलाई प्रभावित बनाएको छ ।
कारोबार रकमको आधारमा शिखर इन्स्योरेन्स अग्रस्थानमा रहेको छ । इन्स्योरेन्सको ६५ करोड ३५ लाख ४१ हजार ८८७ रुपैयाँको सेयर किनबेच भएको छ । दोस्रो र तेस्रो स्थानमा माथिल्लो तामाकोशी र अरुणभ्याली हाईड्रोपावर कम्पनी रहेका छन् ।
वि.सं.२०७७ फागुन २५ मंगलवार १५:२१ मा प्रकाशित