काठमाडौं । ग्लोबल आइएमई बैंकले आज (चैत १ गते) देखि बैंकले १० वर्ष अवधिको ‘८.५० % ग्लोबल आइएमई बैंक डिबेन्चर २०८६-८७’ नाममा ऋणपत्र निष्काशन गरेको छ ।
बैंकले प्रति कित्ता एक हजार रुपैयाँको दरले ३० लाख कित्ता ऋणपत्र निष्काशन गरेको हो । जसमा १८ लाख कित्ता बैंकले विभिन्न संघसंस्थालाई बिक्री गर्नेछ भने १२ लाख कित्तामा सामूहिक लगानी कोषलाई ६० हजार कित्ता रहेको छ । सर्वसाधारण लगानीकर्ताले ११ लाख ४० हजार कित्ताको लागि मात्रै आवेदन दिन पाउने छन् ।
यसको ब्याजदर वार्षिक ८.५० प्रतिशत रहेको छ । न्यूनतम २५ देखि अधिकतम १० लाख कित्तासम्म आवेदन दिन पाइने छ ।
यसको बिक्री प्रबन्धकमा सेञ्चुरी क्यापिटल रहेको छ । ऋणपत्रमा चैत ४ गते सम्म आवेदन दिन सकिनेछ । त्यसअवधिमा माग अनुसार आवेदन नपरेको खण्डमा चैत १६ गतेसम्म आवेदन दिन मिल्ने छ । सी–आस्वामा सदस्य रहेका बैंक तथा वित्तीय संस्था र तिनको शाखा कार्यालयबाट आवेदन दिन सकिनेछ ।
वि.सं.२०७७ चैत १ आइतवार १२:१३ मा प्रकाशित
