काठमाडौं । केन्द्रिय अनुसन्धान ब्यरो (सीआइबी)ले सरकारी र सार्वजनिक लिखित कीर्ते गर्ने व्यक्तिलाई प्रकाउ गरेको छ ।
नेपाल सरकारका विभिन्न निकायहरुद्वारा आव्हान गरिएको बोलपत्रहरुमा लिखित कीर्ते गरेका भ्याली कन्स्ट्रक्सन प्रालिका संचालक रविन्द्र महर्जनलाई प्रकाउ गरेको हो ।
महर्जनले संस्कृति पर्यटन तथा नागरिक उड्डयन मन्त्रालय अन्तर्गको बौद्ध दर्शन प्रवर्द्धन तथा गुम्बा विकास समितिको लेटर प्याडमा कीर्ते लिखित गरेका थिए ।
उक्त लेटर प्याडमा चपुर–९ स्थित निर्माण कार्य नै नभएको बहुतले अस्पताल भवन, मेडीटेशन हल, क्लास रुम र कम्पाउण्ड वाल २०७१ भदौ २४ गते निर्माण कार्य सुरु गरि भ्याट बाहेक ४३ करोड ३७ लाख ५५ हजार ६०९ रुपैयाँ ८८ पैसा २०७३ असोज ८ गते सम्पन्न गरी संस्थालाई हस्तान्तरण गरेको प्रमाणित गरिन्छ भन्ने किर्ते लिखित गरेका थिए ।
उक्त किर्ते लिखितमा संस्थाका योजना अधिकृत गंगा कुमारी गुरुङ र शाखा अधिकृत दिर्घ कुमारी गुरुङको हस्ताक्षर भएको विभिन्न ६ वटा पत्र किर्ते गरेका थिए । महर्जनलाई प्रकाउ गरि कसुर मुद्दामा अनुसन्धान भइरहेको सीआइबीले जनाएको छ ।
भ्याली कन्स्ट्रक्सन प्रा.लि.ले निर्माण ठेक्का प्राप्त गरेको ललितपुर जिल्ला स्थित विभिन्न चार विद्यालय भवनमध्ये ३ को निर्माण कार्य सकिएको र सोहि जिल्लाको इकुडोल स्थित एक विद्यालय भवनको निर्माण कार्य बाँकि रहेको अनुसन्धानबाट खुलेको छ ।
भ्यालीले लामा कन्स्ट्रक्सनसँग जे/भी निर्माण ठेक्का प्राप्त गरेको मकवानपुर जिल्ला स्थित विभिन्न १९ विद्यालय भवनहरु मध्ये करीव ९५% निर्माण कार्य सम्पन्न भएको र सो को निर्माण कार्यको अन्तिम मिति डेढ महिना बाँकि रहेको खुलेको छ ।
भ्यालीले निर्माण ठेक्का प्राप्त गरेको धादिङ जिल्ला स्थित विभिन्न १० विद्यालय भवनहरु निर्माण कार्य ३ महिना अघिबाट सुरु भएको अनुसन्धानबाट खुलेको सीआइबीले जनाएको छ ।
वि.सं.२०७७ चैत ५ बिहीवार १५:०७ मा प्रकाशित