काठमाडौं । बागमती प्रदेशका भौतिक पूर्वाधार तथा विकास मन्त्री रामेश्वर फुँयालले धादिङको रुबिभ्याली गाउपाकिाको एकीकृत विकास निर्माणका लागि प्रदेश सरकार लागि परेको बताउनुभएको छ ।
मन्त्री फुँयालले सांस्कृतिक विविधता एवं सामाजिक संयोजन रूपी संगमस्थलको रुपमा रहेको रुबि भ्यालीलाई आर्थिक क्षेत्रमा बलियो सम्भावना भएकाले यसको एकीकृत विकासका लागि प्रतिवद्ध भएको बताउनुभयो ।
आइतवार राजधानी आयोजित एक अन्तरक्रिया कार्यक्रममा मन्त्री फुँयालले हरेक क्षेत्रको पहुँच कम भएको रुबिभ्याली गाउपालिका विस्तारै विकास निर्माणले फड्को मार्ने बताउनुभयो ।
उहाँले हरेक ठाउँमा सडकको पहुँच पुगे मात्र समृद्धि हासिल गर्ने सकिने भन्दै बैशाख १ गते रुबिभ्यालीमा मोटर बाटो पुर्याउने प्रतिवद्धता व्यक्त गर्नुभयो ।
आवश्यक कानुनी प्रक्रिया पुरा गरी तत्काल सडक विस्तार कार्य अगाडि बढाउनका लागि प्रदेश सरकारले ४० लाख रुपैयाँ दिने प्रतिवद्धता जनाउनुभयो ।
‘रुबिभ्याली पर्यटकीय हिसावले पनि राम्रो गन्तव्य हो, जसको लागि सबैभन्दा पहिलो सडक विस्तार गर्छौँ,‘– मन्त्रि फुयालले भन्नुभयो । विकास निर्माणका लागि योजनावद्ध ढंकले कार्य गर्दा पैसा अभाव नहुने उहाँको भनाई छ । ‘वषौँदेखि बनाएको विकासे सापना विस्तारै पुरा हुँदै गएकाले रुबिभ्यालीलाई पनि योजनावद्ध रुपमा अघि बढ्छ,’ फुयालको भनाई छ ।
पर्यटन र कृषिमा राम्रो सम्भावना भएकाले त्यहाँ उत्पादित वस्तुको प्रचारप्रसारमा जोड दिई बजारीकरणका लागि केन्द्रित हुन आग्रह गर्नुभयो । उहाँले पर्यटनका पूर्वाधार निर्माण जोडदिनुभयो । सरकारले योजनावद्ध रुपमा कार्य गरिरहेको बताउनुभयो । तिव्र रुपमा विकास निर्माणमा कोभिडको असरले गत वर्ष सोचे अनुरुपमा काम नभएको बताउनुभयो ।
अन्तरक्रियमा धादिङका संघीय सरकारका प्रतिनिधि, बागमती प्रदेशका सांसद, जनप्रतिनिधहरुको सहभागिता रहेको थियो । कार्यक्रममा सहभागि अधिंकाशले रुबिभ्यालीमा सडक विस्तार नहुँदा गाउपालिका हरेका क्षेत्रमा पछाडी परेको बताएका थिए ।
‘पयर्टकीय हिसाबले धेरै राम्रो सम्भावना छ, सडक नुग्नाले हामी पछाडि पयौँ‘– कार्यक्रममा एक सहभागिले भने । कार्यक्रमा गाउपालिकाको हरेक समस्या समाधन गरि विकास निर्माण अगाडि कसरी बढेने भन्ने विषयमा छलफल भएको थियो । कार्यक्रममा गाउपालिकामा अहिलेसम्म बैंक नपुगेको सहभागिहरुको गुनासो थियो ।
कार्यक्रममा पर्यटन सांस्कृति र सम्पदा संरक्षणमा जोड दिँदै बैशाख १ गते महोत्सव गर्ने बताइएको थियो । उक्त महोत्सव बागमती प्रदेशको आयोजना र गाउँपालिका व्यवस्थापन रहने छ ।
वि.सं.२०७७ चैत ८ आइतवार १७:३६ मा प्रकाशित