काठमाडौं । प्रिमियर इन्स्योरेन्स कम्पनी (नेपाल) लिमिटेडको स्वामित्वमा रहेको संस्थापक सेयर नागरिक लगानी कोषले आजबाट लिलामी बिक्री खुला गरेको छ ।
कोषले १ लाख ३ हजार ७०० कित्ता संस्थापक सेयरको लिलामी बिक्री खुला गरेको हो । उक्त शेयर खरिदका गर्नका लागि इच्छुक बैंक तथा वित्तिय संस्था तथा बीमा कम्पनीहरुले न्यूनतम १ हजार ३५० रुपैयाँ वा सोभन्दा बढी मूल्यमा बोलकबोल गर्न सकिने बताइएको छ ।
न्यूनतम १०० कित्ता देखि १० ले भाग जाने गरी लिलामीमा आएको अधिकतम सम्पूर्ण कित्ता सेयर खरीदका लागि बोलकबोल गर्न सकिने व्यवस्था छ ।
लिलामी सेयरमा चैत १९ गतेसम्म बोलपत्र पेश गर्न सक्नेछन् । बिक्री प्रबन्धक नबिल इन्भेष्टमेन्ट बैंकिङको कार्यालय तथा प्रिमियर इन्स्योरेन्सको केन्द्रीय कार्यालय नक्साल काठमाडौंबाट बोलपत्र फारम प्राप्त गर्न र बुझाउन सकिनेछ ।
वि.सं.२०७७ चैत ११ बुधवार १२:०६ मा प्रकाशित
