काठमाडौं । कालिका लघुवित्त वित्तिय संस्थाले बैशाख ७ गते साधारणसभा गर्ने भएको छ । उक्त दिन कम्पनीले १०औँ तथा ११औँ वार्षिक साधारणसभा गर्ने भएको हो ।
सभामा हाल कायम २५ करोड २३ लाख ३० हजारको १० प्रतिशतले आउन २ लाख ५२ ३३० कित्ता बोनस सेयर दिने प्रस्ताव पारित गर्नेछ ।
सभामा वित्तिय संस्थाको हाल कायम कुल पूँजी संरचनामा संस्थापक तथा सर्वसाधरण समूहको सेयर स्वामित्व क्रमशः ६४.५२ प्रतिशत र ३५.४८ प्रतिशत रहेकोमा नियमनकारी निकायबाट स्वीकृत प्राप्त भए पश्चात कार्यान्वयन गर्ने गरी संस्थापक समूहको सेयर स्वामित्व ५४.५२ प्रतिशत र सर्वसाधरण समूहको ४५.४८ प्रतिशत कायम गर्ने प्रस्ताव रहेको छ ।
त्यस्तै एक वा सो भन्दा बढी उपयुक्त वित्तिय संस्थाहरु गाभ्ने/गाभिने वा प्राप्ति गर्ने वा प्राप्ति हुन जाने प्रयोजनका लागि उपयुक्त संस्था पहिचान गर्ने, समझदारी पत्रमा हस्ताक्षर गर्ने, सम्पत्ति तथा दायित्वको मूल्याङ्क गर्न परामर्शदाता, मूल्याङ्कनकर्ता तथा लेखापरीक्षक नियुक्त गर्ने लगायतको अख्तियार संचालक समितिलाई दिने प्रस्ताव सभाले पारित गर्नेछ ।
सभा प्रयोजनका लागि चैत २२ गतदेखि बैशाख ७ गतेसम्म बुक क्लोज गर्ने भएको छ ।
वि.सं.२०७७ चैत १२ बिहीवार १०:३९ मा प्रकाशित
