काठमाडौं । आउँदो शुक्रवार अर्थात चैत १३ गते दुई कम्पनीले साधारणसभा डाकेका छन् । नेपाल दुरसञ्चार कम्पनी र महालक्ष्मी विकास बैंकले शुक्रवार सभा बोलएका हुन् ।
सभामा दुरसञ्चार कम्पनीले आर्थिक वर्ष २०७६/७७ को मुनाफबाट प्रतिसेयर ४० रुपैयाँका दरले नगद लाभांश वितरण गर्ने प्रस्ताव लैजाँदै छ । सभा प्रयोजनका लागि कम्पनीले फागुन २८ गते बुक क्लोज गरेको छ ।
यस्तै, सोही दिन महालक्ष्मी विकास बैंकको पनि सभा हुँदैछ । सभामा बैंकले आर्थिक वर्ष २०७६/७७ को मुनाफाबाट ८.८० प्रतिशत बोनस र कर प्रयोजनका लागि ०.४६ प्रतिशत नगद लाभांश दिने प्रस्ताव गरेको छ ।
साधारणसभाको लागि फागुन २८ देखि चैत ११ गते (आजसम्म) बुक क्लोज हुने कम्पनीले जनाएको छ ।
वि.सं.२०७७ चैत १२ बिहीवार १०:५८ मा प्रकाशित
