काठमाडौं । ज्योति विकास बैंकद्वारा अमुवा बजारमा क्युआर कोड सेवा सुरुवात गरेको छ । रुपन्देही जिल्लाको अमुवा बजार तथा बजार वरपरका क्षेत्रमा उक्त सेवा सुरु गरेको हो ।
अमुवा बजारलाई स्मार्ट बनाउने र नगदरहित कारोबारलाई प्रर्वद्धन गर्ने उद्देश्यकासाथ बैंकले उक्त स्थानमा ५० भन्दा बढी क्युआर कोड वितरण गरेको छ ।
बिहीबारएक कार्यक्रमको आयोजना गरि बैकका प्रमुख कार्यकारी अधिकृत श्रीचन्द्र भट्ट, लुम्बिनी, कर्णाली र सुदुरपश्चिम प्रदेशक्षेत्रका प्रमुख कपिल न्यौपाने, डिजिटल बैंकिंग प्रमुख सुदीप ढकालले अमुवा बजार र वरपरक्षेत्रमा रहेका पसल व्यवसायीहरुलाई उक्त क्युआर कोड हस्तान्तरण गर्नुभएको थियो ।
उक्त सेवा सुरु भएसंगै अमुवा बजारमा रहेका पसलहरुबाट खरिद गरेको वस्तुको भुक्तानी मोबाइलबाट सिधै गर्न सकिने छ ।
वि.सं.२०७७ चैत १२ बिहीवार १२:५० मा प्रकाशित
