काठमाडौं । धितोपत्र बोर्डका अध्यक्ष भिष्म राज ढुंगानाले नेपालको पूँजी बजारमा महिला लगानीकर्ताको उपस्थिति उत्साहजनक देखिन थालेको बताउनुभयो । उहाँले ४२ प्रतिशत प्रतिशत महिलाको डिम्याट खाता रहेको जानकारी गराउनु भयो ।
उहाँका अनुसार हाल जारी भएको मेरो सेयर खाताको ४५ प्रतिशत र दोस्रो बजारमा धितोपत्रको कारोबारका लागि खोलिएको कुल कारोबार खातामा करिब ३१ प्रतिशत महिलाको मात्रै रहेको बताउनु भएको छ ।
उहाँले पूँजी बजारले रोजगारी, आय लगायत विभिन्न आर्थिक गतिविधि चलायमान बनाउने भएकोले यो सबैको लागि महत्वपूर्ण क्षेत्र भएको जिकिर गर्नुभयो । उहाँले विभिन्न क्षेत्रहरूमा महिलाको उपस्थिति सुरक्षित एवं प्रोत्साहित गर्न सरकारले संविधान लगायत विभिन्न ऐन कानूनहरूमा व्यवस्था गरेको बताउनुभयो ।
रिङ दि बेल फर जेन्डर इक्वीटी कार्यक्रममा बोर्ड लगायत पूँजी बजारका अन्य निकायहरूको उच्च व्यवस्थापकिय तहमा महिलाहरू रहने क्रम बढ्दै गएतापनि यस स्थितिलाई आगामी दिनमा थप सुदृढ गर्दै लैजानुपर्ने चुनौति रहेको उजागार गर्नुभयो ।
वि.सं.२०७७ चैत १२ बिहीवार १८:४० मा प्रकाशित