काठमाडौं । बागमती प्रदेशका मुख्यमन्त्री डोरमणि पौडेलले चैत १८ गते प्रदेशसभा संसदीय दलको बैठक बोलाउनु भएको छ ।
आफ्नै पार्टीका सांसदद्वारा अविश्वास प्रस्ताव पेश भएको छ । उक्त प्रस्तावको निर्णय नहुँदै पौडेलले बैठक बोलाउनु भएको छ । तत्कालीन समयमा नेकपाको प्रचण्ड–माधव–झलनाथ समूहका सांसदबाट अविश्वासको प्रस्ताव पेश भएको थियो । अहिले नेकपा एमाले र माओवादी फुटेपछि पौडेलले बैठक बोलाउनु भएको छ । स्रोतका अनुसार माधव–झलनाथ खनाल पक्षका सांसदले उक्त प्रस्ताव फिर्ता दिने देखिएको छ ।
यसअघि मन्त्रीहरु शालिकराज जमरकट्टेल, अरुण नेपाल र युवराज दुलालले अविश्वासको प्रस्ताव दर्ता गरेर राजीनामा दिइसक्नु भएको छ । राजीनामा दिने मन्त्रीहरुमध्ये नेपाल एमालेका नेता हुनुहुन्छ । यसअघि प्रचण्ड–माधव–झलनाथ पक्षका सांसदहरुले पौडेललाई हटाएर अष्टलक्ष्मी शाक्यलाई मुख्यमन्त्री बनाउन भनेका थिए ।
वि.सं.२०७७ चैत १५ आइतवार १७:५३ मा प्रकाशित
