काठमाडौं । आजदेखि (चैत १८ गते) एनआईसी एशिया बैंकले आफ्नो स्वामित्वमा रहेको महुली लघुवित्त वित्तीय संस्थाको ५६ हजार २७० कित्ता संस्थापक सेयर लिलामीमा बिक्री खुला गरेको छ ।
उक्त शेयरको न्यूनतम मूल्य ७९१ रुपैयाँ तोकिएको छ । आवेदकले तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्ने हुन्छ । बिक्री प्रबन्धकमा एनआईसी एशिया क्यापिटल लिमिटेड रहेको छ ।
उक्त सेयर खरीद गर्न योग्य इच्छुक विद्यमान संस्थापक वा व्यक्ति, कम्पनी तथा संस्थाले कम्पनीले वैशाख २१ गतेसम्म बोलपत्र पेश गर्न सकिने बताइएको छ ।
सेयर खरीदका लागि बोलकबोल गर्दा न्यूनतम ५ सय कित्तादेखि अधिकतममा सम्पूर्ण कित्तासम्म माग गर्न सकिने व्यवस्था छ ।
वि.सं.२०७७ चैत १८ बुधवार १०:४४ मा प्रकाशित